വിള ഇൻഷുറൻസ് നഷ്ടപരിഹാരത്തെക്കുറിച്ച് വേഗമേറിയ തീരുമാനമെടുക്കാൻ മനുഷ്യാവകാശ കമ്മീഷൻ നിർദേശം

വിള ഇൻഷുറൻസ് നഷ്ടപരിഹാരത്തിനുള്ള അപേക്ഷയെക്കുറിച്ച് കാലതാമസമില്ലാതെ അനുകൂലമായ തീരുമാനം എടുക്കാൻ കൃഷി ഡയറക്ടറെ മനുഷ്യാവകാശ കമ്മീഷൻ നിർദേശിച്ചു. 2021 ഓഗസ്റ്റിലുണ്ടായ ശക്തമായ കാറ്റിലും മഴയിലുമാണ് അയ്മനം സ്വദേശി ജെയിംസ് ജേക്കബിന്റെ വാഴകൃഷി 90 ശതമാനം നശിച്ചത്. ആരോഗ്യപ്രശ്നങ്ങൾ കാരണം യഥാസമയം അപേക്ഷ തിരുത്തി നൽകാൻ കഴിയില്ലെന്ന് കമ്മീഷൻ ചൂണ്ടിക്കാട്ടി.