ഇൻസുലിൻ വില കുറഞ്ഞു: നിർമാതാക്കളുമായി നേരിട്ട് ചർച്ച നടത്തിയപ്പോൾ കെഎംഎസ്‌സിഎൽ

മരുന്ന് സംഭരണത്തിനായി ഏജൻസികളെ ഒഴിവാക്കി നിർമാതാക്കളുമായി നേരിട്ട് ചർച്ച നടത്തിയതോടെയാണ് ഇൻസുലിൻ വില കുറഞ്ഞത്. കഴിഞ്ഞ മാസം വരെ 99.60 രൂപയ്ക്ക് വാങ്ങിയിരുന്ന 10 മില്ലിലീറ്റർ ഇൻസുലിൻ ഇനി 73 രൂപയ്ക്ക് ലഭ്യമാകും. നാലുമാസത്തേക്കുള്ള ഇൻസുലിൻ വാങ്ങുന്നതിലൂടെ മാത്രം സർക്കാരിന് 18.50 കോടി രൂപ ലാഭിക്കാനാകും. പണം കൃത്യസമയത്ത് നൽകിയാൽ വില കുറയ്ക്കാമെന്ന് കമ്പനി അറിയിച്ചതിനെ തുടർന്ന് പുതിയ വിലയ്ക്ക് മരുന്ന് വാങ്ങാൻ ധാരണയായി.