കൊല്ലം സുധിയുടെ കുടുംബത്തിന് ഇൻഷുറൻസ് തുക നൽകാൻ വിധി

വാഹനാപകടത്തിൽ മരിച്ച നടൻ കൊല്ലം സുധിയുടെ കുടുംബത്തിന് ഇൻഷുറൻസ് തുക നൽകാൻ വിധി പുറപ്പെടുവിച്ചു. മോട്ടോർ ആക്സിഡന്റ്സ് ക്ലെയിംസ് ട്രൈബ്യൂണൽ ആണ് വിധി പുറപ്പെടുവിച്ചത്. കോടതി ചെലവുകൾ ഉൾപ്പെടെ ഒരു കോടി 77 ലക്ഷം രൂപ ഇൻഷുറൻസ് കമ്പനി നൽകണം എന്നാണ് ഉത്തരവ്. സുധിയുടെ ഭാര്യ, രണ്ടുമക്കൾ, അമ്മ എന്നിവരാണ് അവകാശികൾ. അഡ്വ. കലേഷ് കുമാർ സുധിയുടെ കുടുംബത്തിന് വേണ്ടി ഹാജരായി. 30 ദിവസത്തിനുള്ളിൽ തുക കോടതിയിൽ കെട്ടിവയ്ക്കണമെന്ന് കോടതി നിർദേശിച്ചു.