കോട്ടയം നഗരസഭ ഫണ്ടിൽ നിന്ന് 2.40 കോടി തട്ടിയെടുത്ത കേസിൽ അഖിൽ വർഗ്ഗീസിനെ നുണപരിശോധനയ്‌ക്ക് വിധേയനാക്കാൻ നീക്കം

കോട്ടയം നഗരസഭയുടെ പെൻഷൻ ഫണ്ടിൽ നിന്ന് 2.40 കോടി രൂപ തട്ടിയെടുത്ത കേസിൽ ഒന്നാം പ്രതിയായ മുൻ ക്ലർക്ക് അഖിൽ സി. വർഗ്ഗീസിനെ നുണപരിശോധനയ്‌ക്ക് വിധേയനാക്കാൻ നീക്കം. തട്ടിയെടുത്ത തുകയുടെ വിനിയോഗം സംബന്ധിച്ച് വ്യക്തത വരുത്തുന്നതിനാണ് നുണപരിശോധന നടത്തുന്നത്. പ്രതിപ്പട്ടികയിലുള്ള മറ്റ് 16 ഉദ്യോഗസ്ഥരുടെ പങ്കിനെക്കുറിച്ചും റിപ്പോർട്ടിൽ വിശദീകരിക്കുന്നുണ്ട്.