ഘടകകക്ഷികളുടെ കാര്യത്തിൽ കോൺഗ്രസ് ഇടപെടേണ്ടെന്ന് കെ സി ജോസഫ്

ഇരിങ്ങാലക്കുട എംഎൽഎ തോമസ് ഉണ്ണിയാടന് വേണ്ടി പരസ്യമായി രംഗത്തിറങ്ങിയ ടി എൻ പ്രതാപൻ ഉൾപ്പെടെയുള്ള നേതാക്കളുടെ നിലപാടിനെതിരെ മുതിർന്ന കോൺഗ്രസ് നേതാവ് കെ സി ജോസഫ് തുറന്നടിച്ച് വിമർശനം ഉന്നയിച്ചു. ഘടക കക്ഷികളുടെ ആഭ്യന്തര കാര്യങ്ങളിൽ ഇടപെടാനുള്ള മര്യാദ കോൺഗ്രസ് നേതാക്കൾ കാണിക്കണമെന്നും അദ്ദേഹം പറഞ്ഞു. യുഡിഎഫിലെ ഘടക കക്ഷികൾക്ക് നീക്കി വെക്കുന്ന പദവികളിൽ ആളുകളെ തീരുമാനിക്കുന്നത് അവരുടെ കാര്യമാണ്; അതിൽ മറ്റ് ഘടക കക്ഷികൾ അഭിപ്രായം പറയുന്നത് ശരിയല്ലെന്നും പോസ്റ്റിൽ പറയുന്നു.