ഓട്ടോമേറ്റഡ് ഹോമിയോപ്പതി മരുന്ന് വിതരണ സംവിധാനത്തിന് കേരള ഗവേഷകർക്ക് ഇന്ത്യൻ പേറ്റന്റ്

ഹോമിയോപ്പതി ക്ലിനിക്കുകൾ, ഡിസ്പെൻസറികൾ, ഫാർമസികൾ എന്നിവിടങ്ങളിൽ മരുന്ന് തയ്യാറാക്കലും വിതരണവും കൂടുതൽ കാര്യക്ഷമമാക്കുന്നതിനായി ഓട്ടോമേറ്റഡ് സംവിധാനത്തിന് കേരള ഗവേഷക സംഘത്തിന് ഇന്ത്യൻ പേറ്റന്റ് ലഭിച്ചു. 'ഡിജിറ്റലി കൺട്രോൾഡ് സ്ലൈഡിംഗ് ആൻഡ് സീലിംഗ് മെക്കാനിസം ഫോർ ഓട്ടോമേറ്റഡ് ഡിസ്പെൻസിങ്' എന്ന പേരിലുള്ള ഈ കണ്ടുപിടിത്തം, മനുഷ്യ ഇടപെടലുകൾ കുറച്ച് അളവിലും മിശ്രിതങ്ങളിലും കൃത്യതയും സ്ഥിരതയും ഉറപ്പാക്കുന്നു. ആർട്ടിഫിഷ്യൽ ഇന്റലിജൻസ് (AI), ചിപ്പ് ലെവൽ ഇന്റഗ്രേഷൻ, എംബഡഡ് സിസ്റ്റങ്ങൾ തുടങ്ങിയ അത്യാധുനിക സാങ്കേതികവിദ്യകൾ ഉപയോഗിച്ചാണ് ഗവേഷകർ ഈ പരിഹാരം വികസിപ്പിച്ചെടുത്തത്.