വേണാട് എക്സ്പ്രസിലെ തിരക്ക്: ഇടപെടലുമായി കൊടിക്കുന്നിൽ; കേന്ദ്ര റെയിൽവേ മന്ത്രിയെ നേരിട്ട് കാണും

വേണാട് എക്സ്പ്രസിലെ ദുരിതയാത്രയ്ക്ക് അടിയന്തര പരിഹാരം വേണമെന്ന് കൊടിക്കുന്നിൽ സുരേഷ് എംപി പറഞ്ഞു. വൈകുന്നേര സമയങ്ങളിൽ വേണാട് എക്സ്പ്രസിൽ അനുഭവപ്പെടുന്ന രൂക്ഷമായ യാത്രക്കാരുടെ തിരക്ക് അതീവ ആശങ്കാജനകമാണെന്ന് അദ്ദേഹം കൂട്ടിച്ചേർത്തു. എറണാകുളം-കോട്ടയം-കൊല്ലം റൂട്ടിൽ ഒരു അധിക വൈകുന്നേര ട്രെയിൻ സർവീസ് അടിയന്തരമായി അനുവദിക്കണം എന്നും എംപി അറിയിച്ചു.