ഊർജ്ജ പ്രതിസന്ധിയിലും വൻകിട സ്ഥാപനങ്ങൾ വൈദ്യുതി പാഴാക്കുന്നു

ഊർജ്ജ സെക്രട്ടറി അനാവശ്യ പ്രകാശസംവിധാനങ്ങളും ദീപാലങ്കാരങ്ങളും ഒഴിവാക്കണമെന്ന് നിർദേശം നൽകിയിട്ടും വൻകിട സ്ഥാപനങ്ങൾ വൈദ്യുതി പാഴാക്കുന്നു. പ്രതിദിന വൈദ്യുതി ഉപഭോഗം 95.39 ദശലക്ഷം യൂണിറ്റും, വൈകുന്നേരങ്ങളിലെ പീക്ക് സമയത്തെ ആവശ്യകത 5400 മെഗാവാട്ടും തൊട്ട പശ്ചാത്തലത്തിലാണ് ഊർജ്ജ വകുപ്പ് നിയന്ത്രണങ്ങൾ കടുപ്പിച്ചത്. വ്യാപാരാവശ്യങ്ങൾക്കായി ഉപയോഗിക്കുന്ന വലിയ കെട്ടിടങ്ങളും സ്ഥാപനങ്ങളും അനാവശ്യ അലങ്കാരദീപങ്ങളും പരസ്യ ബോർഡുകളും മണിക്കൂറുകളോളം പ്രകാശിപ്പിച്ചു ഊർജ്ജ പാഴാക്കൽ തുടരുന്നത് ഗ്രിഡ് സുരക്ഷിതത്വത്തെ ബാധിക്കുമെന്ന ആശങ്ക ഉയർത്തുന്നു.