കണ്ണൂർ ജില്ലയിലെ രണ്ട് വാർഡുകളിലെ ഉപതെരഞ്ഞെടുപ്പിൽ എൽഡിഎഫിന് വിജയം

കണ്ണൂർ ജില്ലയിൽ നടന്ന തദ്ദേശ സ്വയംഭരണ വാർഡുകളിലേക്കുള്ള ഉപതെരഞ്ഞെടുപ്പിൽ ഇടതുമുന്നണിക്ക് രണ്ടിടത്തും വിജയം. മട്ടന്നൂർ നഗരസഭയിലെ ഉരുവച്ചാൽ വാർഡും പെരളശ്ശേരി ഗ്രാമപഞ്ചായത്തിലെ ആറാം വാർഡായ ബാവോടുമാണ് എൽഡിഎഫ് സ്ഥാനാർത്ഥികൾ വിജയിച്ചത്. മട്ടന്നൂരിൽ എൽഡിഎഫ് തങ്ങളുടെ സിറ്റിങ് സീറ്റ് വലിയ ഭൂരിപക്ഷത്തോടെ നിലനിർത്തിയപ്പോൾ, പെരളശ്ശേരിയിൽ കഴിഞ്ഞ തവണ നഷ്ടപ്പെട്ട സിറ്റിങ് സീറ്റ് കോൺഗ്രസിൽനിന്ന് തിരിച്ചുപിടിച്ച് പാർട്ടി കരുത്ത് തെളിയിച്ചു.