എത്യോപ്യൻ ഓർത്തഡോക്സ് സഭയുടെ സ്ലീബാ പെരുന്നാളിൽ മലങ്കരസഭാധ്യക്ഷൻ മുഖ്യാതിഥി

മലങ്കര മെത്രാപ്പോലീത്തായുമാരുടെയും മലങ്കരസഭാധ്യക്ഷനുമായ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ സ്ലൈഹിക സന്ദർശനത്തിനായി എത്യോപ്യയിലെത്തി. എത്യോപ്യൻ ഓർത്തഡോക്സ് സഭയുടെ സ്ലീബാ പെരുന്നാളിൽ അദ്ദേഹം മുഖ്യാതിഥിയാകും. എത്യോപ്യൻ ഓർത്തഡോക്സ് സഭയുടെ പാത്രിയർക്കീസ് പരിശുദ്ധ ആബൂനാ മത്ഥ്യാസിന്റെ ക്ഷണം സ്വീകരിച്ചാണ് സന്ദർശനം. ഹോളി ട്രിനിറ്റി കത്തീഡ്രലിലും ആഡിസ് അബാബ ബോലെ അന്താരാഷ്ട്ര വിമാനത്താവളത്തിലും പരിശുദ്ധ കാതോലിക്കാ ബാവായ്ക്ക് ഔദ്യോഗിക സ്വീകരണം നൽകി. കത്തീഡ്രലിൽ പാത്രിയർക്കീസ് പരിശുദ്ധ ആബൂന മത്ഥ്യാസ് മലങ്കര സഭാധ്യക്ഷനെ സ്വീകരിച്ചു. വിമാനത്താവളത്തിൽ ആർച്ച് ബിഷപ്പ് ആബൂനാ മൽക്കിസദേക്ക്, ആബൂനാ ദീയസ്ക്കോറോസ് എന്നിവർ ചേർന്നാണ് പരിശുദ്ധ കാതോലിക്കാ ബാവായെ സ്വീകരിച്ചത്.