ബിജെപി നേതാവ് ബി ഗോപാലകൃഷ്ണന്റെ വീട്ടിലെത്തിയതിന് മമ്മൂട്ടിയ്ക്ക് വിമർശനം

ബിജെപി സംസ്ഥാന ഉപാധ്യക്ഷൻ ബി ഗോപാലകൃഷ്ണന്റെ വീട്ടിലെത്തിയതിന് പിന്നാലെ മമ്മൂട്ടിയ്‌ക്കെതിരെ സോഷ്യൽ മീഡിയയിൽ വിമർശനങ്ങൾ ഉയർന്നു. അടുത്തിടെ വിവാഹിതയായ ഗോപാലകൃഷ്ണന്റെ മകൾക്ക് ആശംസകൾ അറിയിക്കാനാണ് മമ്മൂട്ടി വീട്ടിലെത്തിയത്. ഒരു മണിക്കൂറോളം വീട്ടിൽ ചെലവഴിച്ചതിന് ശേഷം മമ്മൂട്ടി മടങ്ങി. ഗുരുവായൂരിൽ ഹിന്ദു എംഎൽഎ വേണം എന്ന് പറഞ്ഞ ഗോപാലകൃഷ്ണന്റെ വീട്ടിൽ പോകുന്നതിലൂടെ എന്ത് സന്ദേശമാണ് മമ്മൂട്ടി പൊതുസമൂഹത്തിന് നൽകുന്നതെന്നാണ് സോഷ്യൽ മീഡിയ ചോദിക്കുന്നത്.