അമിതവേഗത്തിൽ എട്ട് കിലോമീറ്ററോളം ഇന്നോവ കാറോടിച്ച് അപകടമുണ്ടാക്കിയ യുവാവിനെ നാട്ടുകാർ പിന്തുടർന്ന് പിടികൂടി

തെങ്ങണയിൽ അമിതവേഗത്തിൽ എട്ട് കിലോമീറ്ററോളം ഇന്നോവ കാറോടിച്ച് അപകടമുണ്ടാക്കിയ യുവാവിനെ നാട്ടുകാർ പിന്തുടർന്ന് പിടികൂടി. ഇന്നലെ വൈകിട്ട് ഏഴ് മണിയോടെയാണ് സംഭവം. പായിപ്പാട് മുതൽ കണ്ണോട്ട വരെ എട്ട് കിലോമീറ്റർ നിർത്താതെ പാഞ്ഞ കാർ നാട്ടുകാരാണ് കോട്ടയം തെങ്ങണയിൽ വച്ച് പിടികൂടി നിർത്തിച്ചത്. വാഹനം ഓടിച്ച 18 വയസ്സുകാരനായ തിരുവല്ല സ്വദേശി ഗോകുൽ ബിനുവിനെ തൃക്കൊടിത്താനം പോലീസ് അറസ്റ്റ് ചെയ്തു. പായിപ്പാട് വെള്ളാപ്പള്ളി മുതൽ തെങ്ങണ വഴി കണ്ണോട്ട വരെ എട്ട് കിലോമീറ്ററാണ് ഗോകുൽ അപകടം വരുത്തി കാറോടിച്ചത്. വഴിനീളെയുള്ള നിരവധി വാഹനങ്ങളെ ഇടിച്ചുകൊണ്ടായിരുന്നു ഇയാളുടെ ഡ്രൈവിംഗ്.