കോട്ടയത്തും സ്വകാര്യ ബസ് ജീവനക്കാർക്ക് പോലീസ് ക്ലിയറൻസ് സർട്ടിഫിക്കറ്റ് നിർബന്ധമാക്കുന്നു

വർദ്ധിച്ചുവരുന്ന അപകടങ്ങളും ജീവനക്കാരുടെ പെരുമാറ്റദൂഷ്യവുമായി ബന്ധപ്പെട്ട പരാതികളും കണക്കിലെടുത്താണ് കൊച്ചി മാതൃകയിൽ കോട്ടയത്തും സ്വകാര്യ ബസ് ജീവനക്കാർക്ക് പോലീസ് ക്ലിയറൻസ് സർട്ടിഫിക്കറ്റ് നിർബന്ധമാക്കുന്നത്. ഘട്ടംഘട്ടമായി എല്ലാ ജീവനക്കാർക്കും പി.സി.സി നിർബന്ധമാക്കും. ബസ് ഉടമകളും പോലീസും നൽകുന്ന പരിശീലനത്തിന് ശേഷമായിരിക്കും സർട്ടിഫിക്കറ്റ് നൽകുക. പെരുമാറ്റം, ട്രാഫിക് നിയമങ്ങൾ എന്നിവയിൽ നിലവിലുള്ള ജീവനക്കാർക്കും പുതുതായി എത്തുന്നവർക്കും പരിശീലനം നൽകും.