ചെക്ക് കേസുകളിലെ ശിക്ഷ ജില്ലാ കോടതി സ്റ്റേ ചെയ്തെന്ന് മാണി സി. കാപ്പൻ, അപ്പോൾ ഹൈക്കോടതി വിധിയോ

മഹാരാഷ്ട്രയിലെ ബോറിവാലി മജിസ്‌ട്രേറ്റ് കോടതി തനിക്കെതിരെ പുറപ്പെടുവിച്ച ശിക്ഷാവിധി ഗോറിഗാവ് ജില്ലാ കോടതി സ്റ്റേ ചെയ്തതായി മാണി സി. കാപ്പൻ അവകാശപ്പെട്ടു. രാഷ്ട്രീയ പ്രവേശനത്തിന് മുൻപുള്ള ഒരു വ്യക്തിപരമായ ബിസിനസ് ഇടപാടുമായി ബന്ധപ്പെട്ടാണ് ഈ കേസെന്നും, തെരഞ്ഞെടുപ്പ് ഘട്ടങ്ങളില് ഇത് സംബന്ധിച്ച വിവരങ്ങൾ സത്യവാങ്മൂലത്തിലൂടെയും മാധ്യമങ്ങളിലൂടെയും ജനങ്ങളെ അറിയിച്ചിട്ടുണ്ടെന്നുമാണ് മാണി സി കാപ്പൻ പറയുന്നത്. ശിക്ഷാവിധി ഗോറിഗാവ് ജില്ലാ കോടതി സ്റ്റേ ചെയ്തതായുള്ള അവകാശവാദം ഹൈക്കോടതി വിധിയെ എങ്ങനെ ബാധിക്കുമെന്ന് വ്യക്തമല്ല.