മേരി മൗണ്ട് സ്കൂളും ഏറ്റുമാനൂർ ഐ.സി.ഡി.എസും അങ്കണവാടി കുട്ടികൾക്കായി 'ഫൺ ഫിയസ്റ്റ' സംഘടിപ്പിച്ചു

മേരി മൗണ്ട് പബ്ലിക് സ്കൂളും ഏറ്റുമാനൂർ ഐ.സി.ഡി.എസും സംയുക്തമായി അങ്കണവാടി കുട്ടികൾക്കായി 'ഫൺ ഫിയസ്റ്റ' സംഘടിപ്പിച്ചു. കളറിംഗ്, ഫൺ ഗെയിം മത്സരങ്ങൾ ഉൾക്കൊള്ളിച്ച ഈ പരിപാടി ഒക്ടോബർ 28 ബുധനാഴ്ച മേരി മൗണ്ട് സ്കൂൾ ഓഡിറ്റോറിയത്തിൽ വെച്ച് നടന്നു. കുട്ടികളുടെ സർഗാത്മക കഴിവുകൾ വളർത്തുന്നതിനും വിനോദത്തിലൂടെ പഠനാനുഭവങ്ങൾ നൽകുന്നതിനുമാണ് പരിപാടി സംഘടിപ്പിച്ചത്. സ്കൂൾ പ്രിൻസിപ്പലും ഏറ്റുമാനൂർ സിഡിപിഒയും വിജയികൾക്ക് സമ്മാനങ്ങൾ വിതരണം ചെയ്തു.