തൊട്ടിൽപ്പാലത്തെ പ്രൈമറി സ്‌കൂൾ വിദ്യാർത്ഥികൾക്ക് അഞ്ചാംപനി; പ്രതിരോധ പ്രവർത്തനങ്ങൾ ഊർജ്ജിതമാക്കി

തൊട്ടിൽപ്പാലം കാവിലുംപാറ പഞ്ചായത്തിൽ പ്രൈമറി സ്‌കൂൾ വിദ്യാർത്ഥികൾക്ക് അഞ്ചാംപനി സ്ഥിരീകരിച്ചു. ഒരു വയസ്സ് പൂർത്തിയാകുന്നതിന് മുൻപ് നൽകേണ്ട നിർബന്ധിത പ്രതിരോധ കുത്തിവെപ്പ് എടുക്കാത്ത കുട്ടികളിലാണ് രോഗം കണ്ടെത്തിയത്. രോഗം കൂടുതൽ കുട്ടികളിലേക്ക് പടർന്നുപടിക്കാൻ സാധ്യതയുള്ളതിനാൽ കുണ്ടുതോട് പൊതുജനാരോഗ്യ വിഭാഗം പ്രതിരോധ പ്രവർത്തനങ്ങൾ ഊർജ്ജിതമാക്കി. ഇതിന്റെ ഭാഗമായി ആരോഗ്യ പ്രവർത്തകർ പ്രദേശത്തെ വീടുകളിൽ സന്ദർശനം നടത്തുകയും വിവരശേഖരണവും ബോധവൽക്കരണവും സംഘടിപ്പിക്കുകയും ചെയ്തു.