എം.ജി. സർവ്വകലാശാലയിൽ റിസർച്ച് ഫെലോഷിപ്പ് കുടിശികയായ 1.78 കോടി രൂപ അനുവദിച്ചു

മഹാത്മാഗാന്ധി സർവ്വകലാശാലയ്ക്ക് കീഴിലെ ഗവേഷക വിദ്യാർത്ഥികളുടെ ദീർഘകാല ആവശ്യത്തിന് പരിഹാരമായി റിസർച്ച് ഫെലോഷിപ്പ് കുടിശികയിനത്തിൽ 1.78 കോടി രൂപ അനുവദിച്ചു. 2019 മുതൽ കൊടുത്തു തീർക്കാനുള്ള തുക അനുവദിച്ചുകൊണ്ട് സർവ്വകലാശാലാ സിൻഡിക്കേറ്റാണ് തീരുമാനമെടുത്തത്. ഓട്ടോണമസ് കോളജുകളടക്കം ഗവേഷണം ചെയ്യുന്ന വിദ്യാർത്ഥികൾക്ക് ഈ ഫെലോഷിപ്പിന്റെ പ്രയോജനം ലഭ്യമാക്കാനുള്ള നടപടികൾ ഉടൻ ഉണ്ടാകുമെന്ന് സിൻഡിക്കേറ്റ് അംഗങ്ങളായ ഡോ. തോമസ് കുരുവിള, കുമാരി ആൻ സെബാസ്റ്റ്യൻ എന്നിവർ അറിയിച്ചു.