എം.ജി സർവ്വകലാശാല ഇന്റേണൽ മാർക്ക് പോർട്ടൽ ഹാക്ക് ചെയ്തതായി പരാതി; ഇടത് അധ്യാപക സംഘടനയാണ് ഹാക്ക് ചെയ്തതെന്ന് സിൻഡിക്കേറ്റ് ആരോപണം

എം.ജി സർവ്വകലാശാലയിലെ വിദ്യാർത്ഥികളുടെ ഇന്റേണൽ മാർക്കുകൾ രേഖപ്പെടുത്തുന്ന ഔദ്യോഗിക സംവിധാനത്തിൽ വൻ ക്രമക്കേടും അട്ടിമറിയും നടന്നതായി ഗുരുതര ആരോപണം. സമഗ്രമായ അന്വേഷണത്തിന് കമ്മീഷനെ നിയോഗിക്കണമെന്ന് സിൻഡിക്കേറ്റ് അംഗങ്ങൾ വൈസ് ചാൻസലർക്കും ഉന്നത വിദ്യാഭ്യാസ മന്ത്രിക്കും പരാതി നൽകി. കേസ് ഉടൻ തന്നെ സൈബർ പോലീസിന് കൈമാറുമെന്ന ഉറപ്പ് ലഭിച്ചതായും സിൻഡിക്കേറ്റ് അംഗങ്ങൾ അറിയിച്ചു.