കായൽ-കടൽ മത്സ്യങ്ങളിൽ മൈക്രോപ്ലാസ്റ്റിക് ഭീഷണി രൂക്ഷം; വർഷം തോറും 10 മുതൽ 20 ശതമാനം വരെ വർദ്ധിക്കുന്നു

കേരളത്തിലെ കായൽ, കടൽ മത്സ്യങ്ങളിൽ മൈക്രോപ്ലാസ്റ്റിക് സാന്നിധ്യം വൻതോതിൽ വർദ്ധിക്കുന്നതായി കൊച്ചി ശാസ്ത്ര സാങ്കേതിക സർവകലാശാലയുടെ മറൈൻ ബയോളജി വിഭാഗത്തിന്റെ പഠന റിപ്പോർട്ട്. മത്സ്യസമ്പത്തിനെ വലിയ തോതിൽ നശിപ്പിക്കുന്ന ഈ പ്രതിഭാസം മനുഷ്യന്റെ ആരോഗ്യത്തിനും ഗുരുതരമായ ഭീഷണിയാണെന്ന് പഠനം മുന്നറിയിപ്പ് നൽകുന്നു. ഓരോ വർഷവും മത്സ്യങ്ങളിലെ പ്ലാസ്റ്റിക് സാന്നിധ്യം 10 മുതൽ 20 ശതമാനം വരെയാണ് വർദ്ധിക്കുന്നത്.