പാൽ ഉൽപ്പാദനം കുറയുന്നു, കാലിത്തീറ്റ വില വർധനവ് ക്ഷീരകർഷകർക്ക് തിരിച്ചടിയായി

സെപ്റ്റംബറിൽ ചൂട് കൂടിയതോടെ പാൽ ഉൽപ്പാദനത്തിന് ക്ഷീരകർഷകർ ബുദ്ധിമുട്ടുന്നു. ചൂട് കൂടുന്നതിനെ തുടർന്ന് പാൽ ഉൽപ്പാദനം ഗണ്യമായി കുറഞ്ഞതായും, സാധാരണ ഒരു പശുവിൽ നിന്ന് പ്രതിദിനം 16 മുതൽ 20 ലിറ്റർ വരെ പാൽ കിട്ടിയിരുന്നതിൽ രണ്ട് മുതൽ നാല് ലിറ്റർ വരെ കുറവുണ്ടായതായും കർഷകർ പറയുന്നു. കാലിത്തീറ്റ വില വർധിച്ചതിനൊപ്പം, കേരള ഫീഡ്സ് ഡെയറി റിച്ച് പ്ലസ് കാലിത്തീറ്റയ്ക്ക് 70 രൂപ വർധിച്ചു, 50 കിലോ പാക്കറ്റിന് വില 1644 രൂപയായി.