കാഞ്ഞിരമറ്റം ലിറ്റിൽ ഫ്ലവർ എൽ.പി സ്കൂളിനടുത്ത് മിനി മാസ്റ്റ് ലൈറ്റ് ഉദ്ഘാടനം ചെയ്തു

കാഞ്ഞിരമറ്റം മാർസ്ലീവാ പള്ളി വികാരി ഫാ. ജോസഫ് മണ്ണനാൽ, കാഞ്ഞിരമറ്റം ലിറ്റിൽ ഫ്ലവർ എൽ.പി സ്കൂളിനടുത്ത് മിനി മാസ്റ്റ് ലൈറ്റ് ഉദ്ഘാടനം ചെയ്ത ചടങ്ങിൽ സംസാരിച്ചു. പ്രാദേശിക വികസന പ്രവർത്തനങ്ങൾക്ക് ഫണ്ട് അനുവദിക്കുന്നതിൽ ജോസ് കെ മാണി എം.പി യുടെ സമീപനം മാതൃകാപരമാണെന്നും അദ്ദേഹം അഭിപ്രായപ്പെട്ടു. വെളിച്ചം ആവശ്യമുള്ളയിടങ്ങളിൽ പ്രകാശം പരത്താനും ജനോപകാരപ്രദമാ വിധം പദ്ധതികൾ നടപ്പിലാക്കാനും നമുക്കാവണമെന്നും ഫാ. ജോസഫ് മണ്ണനാൽ കൂട്ടിച്ചേർത്തു.