കുഞ്ഞിനെ കൈമാറാൻ അമ്മ വിസമ്മതിച്ചു; നവജാതശിശുവിനെ സംരക്ഷിക്കൽ പ്രതിസന്ധി

ഹരിപ്പാട് പോഷകാഹാരക്കുറവ് മൂലം രണ്ടര വയസ്സുകാരൻ മരിച്ച സംഭവത്തിലെ തുടർനടപടികളിൽ അധികൃതർ പ്രതിസന്ധിയിലാണ്. ദമ്പതികളുടെ നവജാതശിശുവിനെ ശിശുക്ഷേമസമിതിക്ക് (സിഡബ്ല്യുസി) കൈമാറില്ലെന്ന് അമ്മ താര നിലപാടെടുത്തതോടെയാണ് സംരക്ഷണം ഏറ്റെടുക്കുന്നത് തടസ്സപ്പെട്ടത്. കുടുംബത്തിന്റെ മുൻകാല മരണങ്ങളും കുട്ടികളെ പരിചരിക്കുന്നതിലെ വീഴ്ചയും കണക്കിലെടുത്താണ് സിഡബ്ല്യുസി നവജാതശിശുവിനെ ഏറ്റെടുക്കാൻ തീരുമാനിച്ചത്. എന്നാൽ, അമ്മയുടെ സമ്മതം ആവശ്യമാണ്. ജില്ലാ ചൈൽഡ് പ്രൊട്ടക്ഷൻ ഓഫീസറുടെ റിപ്പോർട്ടിന്റെ അടിസ്ഥാനത്തിൽ കുട്ടിയെ ഏറ്റെടുക്കാൻ ഇടക്കാല ഉത്തരവ് പുറപ്പെടുവിക്കാനുള്ള നിയമസാധ്യതകൾ ശിശുക്ഷേമസമിതി പരിശോധിക്കുകയാണ്.