മൊബൈൽ ഫോൺ നോക്കി ബസ് ഓടിച്ചതിന് സ്വകാര്യ ബസ് ഡ്രൈവറുടെ ലൈസൻസ് സസ്‌പെൻഡ് ചെയ്തു

മൊബൈൽ ഫോൺ ഉപയോഗിച്ചും അശ്രദ്ധമായി ഒരു കൈകൊണ്ട് ബസ് ഓടിച്ചതിന് കുറിച്ചി സ്വദേശി അനന്ദു അനില് കുമാറിനെതിരെ മോട്ടോർ വാഹന വകുപ്പ് നടപടി എടുത്തു. ചന്തക്കവലയിൽ അപകടമുണ്ടാക്കി ഒരാളുടെ ജീവൻ കവർന്ന 'തണ്ടപ്ര' ബസിന് പകരം സർവീസ് നടത്തിയ 'ജീസസ്' ബസിന്റെ ഡ്രൈവറാണ് അനന്ദു. മൊബൈൽ ഫോൺ നോക്കി ബസ് ഓടിക്കുന്ന ദൃശ്യങ്ങൾ യാത്രക്കാർ സമൂഹ മാധ്യമങ്ങളിൽ പങ്കുവെച്ചതിനെ തുടർന്നാണ് മോട്ടോർ വാഹന വകുപ്പ് സ്വമേധയാ നടപടി സ്വീകരിച്ചത്.