യുഡിഎഫിൽ പുതിയ പോർമുഖം; അടൂർ പ്രകാശിന്റെ വിമർശനങ്ങളെ തള്ളി മുസ്ലീം ലീഗ്

യുഡിഎഫിൽ യാതൊരുവിധ അനൈക്യവുമില്ലെന്നും നിലവിലുള്ള മുന്നണിയിലെ എല്ലാ തീരുമാനങ്ങളും ഘടകകക്ഷികളുമായി വിശദമായ ചർച്ചകൾ നടത്തി എടുത്തതാണെന്നും മുസ്ലീം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങൽ വ്യക്തമാക്കി. മുന്നണിയിലെ പ്രധാന പദവികൾ സംബന്ധിച്ച് എടുത്ത തീരുമാനങ്ങളെല്ലാം ഉഭയകക്ഷി ചർച്ചകളിലൂടെ ധാരണയിലെത്തിയതാണെന്നും അദ്ദേഹം കൂട്ടിച്ചേർത്തു. മുന്നണിയുടെ കൺവീനർ അടൂർ പ്രകാശ് കഴിഞ്ഞദിവസം പരസ്യമായി കെപിസിസി ആസ്ഥാനത്ത് നടത്തിയ വിമർശനങ്ങളെ തള്ളി മുസ്ലീം ലീഗ് രംഗത്തു വന്നിരിക്കുന്നു. മുന്നണിയുടെ നിർണ്ണായക തീരുമാനങ്ങൾ പോലും കൺവീനർ എന്ന താൻ അറിയുന്നത് മാധ്യമങ്ങളിലൂടെയാണെന്ന് അടൂർ പ്രകാശ് തുറന്നടിച്ചിരുന്നു.