ട്രെയിനിൽ നിന്ന് പണവും ലോട്ടറി ടിക്കറ്റും മോഷ്ടിച്ച കേസിൽ കോട്ടയം സ്വദേശി അറസ്റ്റിൽ

ട്രെയിനിൽ നിന്ന് പണവും ലോട്ടറി ടിക്കറ്റും മോഷ്ടിച്ച കേസിൽ കോട്ടയം സ്വദേശി അറസ്റ്റിലായി. തിരുവാര സ്വദേശിയായ വിനോദ് ഗോവിന്ദനെ (61) കോഴിക്കോട് റെയിൽവേ പോലീസ് അറസ്റ്റ് ചെയ്തു. മലബാർ എക്സ്പ്രസിൽ യാത്ര ചെയ്യുകയായിരുന്ന തമിഴ്നാട് സ്വദേശിയുടെ പണവും ലോട്ടറി ടിക്കറ്റും മോഷ്ടിച്ച കേസിലാണ് അറസ്റ്റ്. കോട്ടയത്ത് നിന്ന് കണ്ണൂരിലേക്ക് യാത്ര ചെയ്യവേ, ബാഗിൽ സൂക്ഷിച്ചിരുന്ന 15,000 രൂപയും 5000 രൂപ സമ്മാനം ലഭിച്ച സുവർണ്ണ കേരളം ലോട്ടറി ടിക്കറ്റും രേഖകളടങ്ങിയ ബാഗും നഷ്ടപ്പെട്ടതിനെ തുടർന്ന് പരാതി നൽകുകയായിരുന്നു.