ജയിലർ 2-ലെ അനുഭവം പങ്കുവെച്ച് കോട്ടയം നസീർ

മിമിക്രിയിലൂടെ സിനിമയിലെത്തിയ നടനാണ് കോട്ടയം നസീർ. കരിയറിന്റെ തുടക്കത്തിൽ ചെറുതും വലുതുമായ കോമഡി വേഷങ്ങൾ ചെയ്ത കോട്ടയം നസീർ ഇപ്പോൾ വ്യത്യസ്തമായ വേഷങ്ങൾ ചെയ്ത് വിസ്മയിപ്പിക്കുകയാണ്. സമീപകാലത്ത് റോഷാക്കിലെ ശശാങ്കൻ, വാഴയിലെ രാധാകൃഷ്ണൻ, ആലപ്പുഴ ജിംഖാനയിലെ സലീം തുടങ്ങിയവ ശ്രദ്ധിക്കപ്പെട്ടവയായിരുന്നു. അടുത്തയാഴ്ച പുറത്തിറങ്ങാനിരിക്കുന്ന ജയിലർ 2, താരത്തിന്റെ കരിയറിലെ വലിയ ചിത്രങ്ങളിലൊന്നാണ്. ചിത്രത്തിന്റെ ട്രെയിലർ പുറത്തുവന്നതുമുതൽ സിനിമാലോകം വലിയ ആവേശത്തിലായിരുന്നു.