കൊങ്കൺ റെയിൽവേ ട്രെയിൻ സർവീസുകൾക്ക് 21 മുതൽ പുതിയ സമയക്രമം

കൊങ്കൺ റെയിൽവേ ട്രെയിൻ സർവീസുകൾക്ക് 21 മുതൽ പുതിയ സമയക്രമം നിലവിലായി. ജൂൺ 15-ന് ആരംഭിച്ച മൺസൂൺ ടൈംടേബിൾ ഒക്ടോബർ 20-ഓടെ അവസാനിക്കുന്നതിനെത്തുടർന്നാണ് ഈ മാറ്റം. കേരളത്തിൽ നിന്നുള്ള സർവീസുകൾ വൈകി ഓടാൻ സാധ്യതയുള്ളതിനാൽ യാത്രക്കാർ കൃത്യമായ വിവരങ്ങൾക്കായി നാഷണൽ ട്രെയിൻ എൻക്വയറി സിസ്റ്റം ആപ്പ് അല്ലെങ്കിൽ വെബ്സൈറ്റ് പിന്തുടരണമെന്ന് അറിയിക്കുന്നു. തിരുവനന്തപുരം - ലോകമാന്യതിലക് നേത്രാവതി എക്സ്പ്രസ് (16346) രാവിലെ 9:15-ന് തിരുവനന്തപുരത്തു നിന്ന് പുറപ്പെടും. ലോകമാന്യതിലക് - തിരുവനന്തപുരം നേത്രാവതി എക്സ്പ്രസ് (16345) മംഗളൂരു ജങ്ഷന് പുലർച്ചെ 4:20-ന് പുറപ്പെടും.