വൈക്കത്ത് കള്ളനോട്ടുകളുമായി പത്തനാപുരം സ്വദേശി പിടിയിൽ

വൈക്കത്ത് 500 രൂപയുടെ കള്ളനോട്ടുകളുമായി പത്തനാപുരം സ്വദേശിയായ അബ്ദുൽ റഷീദ് (63) പോലീസ് പിടിയിലായി. കടകളിൽ കയറി വ്യാജ നോട്ടുകൾ നൽകി മാറുന്നതിനിടെയാണ് ഇയാൾ പിടിയിലായത്. 500 രൂപയുടെ 37 നോട്ടുകളാണ് പിടികൂടിയത്. തുടർ പരിശോധനയിൽ ഇയാളുടെ വീട്ടിൽ നിന്ന് കള്ളനോട്ട് നിർമ്മാണത്തിന് ഉപയോഗിച്ചിരുന്ന പ്രിന്റർ, ലാപ്ടോപ്പ്, ലാമിനേറ്റർ, മഷി എന്നിവയും പോലീസ് പിടിച്ചെടുത്തു.