വഴി ചോദിക്കാനെത്തി വയോധികയുടെ സ്വർണമാല പൊട്ടിച്ച മോഷ്ടാവ് പോലീസ് പിടികൂടി

വഴി ചോദിക്കാനെത്തി വയോധികയുടെ സ്വർണമാല പൊട്ടിച്ച മോഷ്ടാവ് വരാപ്പുഴ പോലീസ് അറസ്റ്റ് ചെയ്തു. കഴിഞ്ഞ തിങ്കളാഴ്ച രാവിലെ കോട്ടുവള്ളികാവ് അമ്പലത്തിൽ പോയി മകളുടെ വീട്ടിലേക്ക് നടന്നുപോവുകയായിരുന്ന 68 വയസ്സുള്ള ലതികയുടെ രണ്ടര പവൻ തൂക്കമുള്ള സ്വർണമാലയാണ് മോഷ്ടാവ് പൊട്ടിച്ചു കടന്നത്. ആലങ്ങാട് കരിങ്ങാത്തുരുത്ത് ഭാഗത്ത് വാടകയ്ക്ക് താമസിക്കുന്ന ചേരാനെല്ലൂർ പുതുവൽസ്ഥലം വീട്ടിൽ ഉമേഷ് (45)നെയാണ് പോലീസ് പിടികൂടിയത്. വഴി ചോദിക്കാൻ എന്ന വ്യാജേന അടുത്ത് നിർത്തി മാല പൊട്ടിച്ചയാളെയാണ് പോലീസ് പിടികൂടിയത്.