കോട്ടയത്ത് കാറിൽ ബസ് ഇടിപ്പിച്ച കെ.എസ്.ആർ.ടി.സി ഡ്രൈവർക്കെതിരെ പോലീസ് കേസ്

എംസി റോഡിൽ ചൂട്ടുവേലിയിൽ കാറിൽ ബസ് ബോധപൂർവം ഇടിപ്പിച്ച സംഭവത്തിൽ കെ.എസ്.ആർ.ടി.സി ഡ്രൈവർക്കെതിരെ ഗാന്ധിനഗർ പോലീസ് കേസെടുത്തു. നെയ്യാറ്റിൻകര ഡിപ്പോയിലെ ഡ്രൈവർ രാജേഷിനെതിരെയാണ് നടപടി. ബസ് മുന്നിൽ കാർ നിർത്തി യാത്രക്കാർ ഡ്രൈവറെ ചോദ്യം ചെയ്തതിനെത്തുടർന്ന് ബസ് മുന്നോട്ടെടുത്ത് കാറിൽ ഇടിപ്പിക്കുകയായിരുന്നുവെന്നാണ് പരാതി. കെ.എസ്.ആർ.ടി.സി ഡിപ്പോ അധികൃതരെ സമീപിച്ചെങ്കിലും പരാതി സ്വീകരിക്കാൻ തയ്യാറായില്ലെന്നും യാത്രക്കാർ ആരോപിച്ചു. തുടർന്ന് ഗാന്ധിനഗർ പോലീസ് സ്റ്റേഷനിൽ പരാതി നൽകി, ഇതിന്റെ അടിസ്ഥാനത്തിലാണ് കേസെടുത്തത്.