മുഖ്യമന്ത്രിയെ ദൃശ്യ മാധ്യമത്തിലൂടെ അധിക്ഷേപിച്ച സംഭവത്തിൽ എൽഡിഎഫ് പ്രവർത്തകയ്‌ക്കെതിരെ കേസ്

ദൃശ്യമാധ്യമത്തിലൂടെ മുഖ്യമന്ത്രിയെ അധിക്ഷേപിച്ച സംഭവത്തിൽ എൽഡിഎഫ് പ്രവർത്തകയ്‌ക്കെതിരെ പൊലീസ് കേസെടുത്തു. കോൺഗ്രസ് പ്രവർത്തകരുടെ പരാതിയിൽ പായിപ്പാട് സ്വദേശി ലതാ രഘുവിനെതിരെയാണ് കേസ് രജിസ്റ്റർ ചെയ്തിരിക്കുന്നത്. തൃക്കൊടിത്താനം ജില്ലാ പഞ്ചായത്ത് ഡിവിഷൻ ഉപതെരഞ്ഞെടുപ്പ് ഫലം പുറത്തുവന്നതിന് പിന്നാലെയാണ് ലത മുഖ്യമന്ത്രിക്കെതിരെ അപകീർത്തികരമായ പരാമർശങ്ങൾ നടത്തിയതെന്ന് എഫ്.ഐ.ആർ ആരോപിക്കുന്നു. സ്പർദ്ധ വളർത്തി കലാപമുണ്ടാക്കാൻ ശ്രമിച്ചെന്നതടക്കം ആരോപണങ്ങളുണ്ട്.