മിനി കൂപ്പർ അപകടക്കേസ്: മുഖ്യപ്രതി സുഹൈൽ മദ്യപിച്ചിരുന്നതായി പരിശോധനാഫലം

മിനി കൂപ്പർ അപകടക്കേസിലെ മുഖ്യപ്രതി സുഹൈൽ മദ്യപിച്ചിരുന്നതായി കാക്കനാട്ടിലെ ലാബിൽ നടത്തിയ പരിശോധനയിൽ കണ്ടെത്തി. അപകടസ്ഥലത്തും പ്രതികൾ മദ്യപിച്ച ബാറുകളിലുമെത്തിച്ച് പൊലീസ് തെളിവെടുപ്പ് നടത്തി. സുഹൈൽ ഉൾപ്പെടെയുള്ള പ്രതികളുടെ ജാമ്യാപേക്ഷ നാളെ അങ്കമാലി മജിസ്‌ട്രേറ്റ് കോടതി പരിഗണിക്കും. കൂടുതൽ തെളിവുകൾ ശേഖരിച്ച് പ്രതികൾക്ക് ജാമ്യം അനുവദിക്കരുതെന്ന് കോടതിയിൽ ആവശ്യപ്പെടാനാണ് പൊലീസിന്റെ നീക്കം.