ഓപ്പറേഷൻ തൂഫാൻ: കോട്ടയത്ത് ലഹരിക്കെതിരായ പോരാട്ടം ശക്തമാക്കി പോലീസ്; 1,130-ൽ അധികം എൻ.ഡി.പി.എസ് കേസുകൾ രജിസ്റ്റർ ചെയ്തു

ജില്ലയിൽ ലഹരിമരുന്ന് മാഫിയകൾക്കെതിരെ പോലീസ് ഊർജിതമായി നടപ്പിലാക്കി വരുന്ന 'ഓപ്പറേഷൻ തൂഫാൻ' പദ്ധതിയിലൂടെ വൻ പുരോഗതിയെന്ന് ജില്ലാ പോലീസ് മേധാവി കെ.എം സാബു മാത്യു പറഞ്ഞു. ഇതുവരെ 1,130-ഓളം എൻ.ഡി.പി.എസ് കേസുകൾ രജിസ്റ്റർ ചെയ്യുകയും 1,159-ഓളം പ്രതികളെ അറസ്റ്റ് ചെയ്ത് കർശന നടപടികൾ സ്വീകരിക്കുകയും ചെയ്തിട്ടുണ്ട്. അടുത്തകാലത്തായി ഈരാറ്റുപേട്ടയിൽ കൊമേർഷ്യൽ ക്വാണ്ടിറ്റിയിൽ പെടുന്ന 13 ഗ്രാം എം.ഡി.എം.ഇയുമായി രണ്ടുപേരെയും, കോട്ടയം വെസ്റ്റേൺ ലിമിറ്റഡിന് സമീപത്തുനിന്ന് രണ്ടര കിലോ കഞ്ചാവുമായി ഒറീസ സ്വദേശികളെയും പോലീസ് പിടികൂടിയിരുന്നു.