കോട്ടയം ജില്ലാ പഞ്ചായത്ത് ഉപതെരഞ്ഞെടുപ്പ് സംബന്ധിച്ച് രാഷ്ട്രീയ പാർട്ടികൾ യോഗം ചേർന്നു

കോട്ടയം ജില്ലാ പഞ്ചായത്ത് തൃക്കൊടിത്താനം ഡിവിഷനിലെ സെപ്റ്റംബർ 28-ന് നടക്കുന്ന ഉപതെരഞ്ഞെടുപ്പുമായി ബന്ധപ്പെട്ട് രാഷ്ട്രീയ പാർട്ടികളുടെ യോഗം വരണാധികാരിയായ ജില്ലാ കളക്ടർ ചേതൻ കുമാർ മീണയുടെ അധ്യക്ഷതയിൽ ചേർന്നു. മാടപ്പള്ളി-6, പായിപ്പാട്-17, തൃക്കൊടിത്താനം-22, വാഴപ്പളളി-2 എന്നിങ്ങനെ നാലു ഗ്രാമപഞ്ചായത്തുകളിലെ 47 വാർഡുകൾ ഉൾപ്പെടുന്നതാണ് തൃക്കൊടിത്താനം ഡിവിഷൻ. തെരഞ്ഞെടുപ്പ് 28ന് രാവിലെ ഏഴുമുതൽ വൈകുന്നേരം ആറുവരെയാണ് നടക്കുക. ഫലപ്രഖ്യാപനം 29-ന് നടക്കും.