കൗണ്ടർ ടിക്കറ്റ് യാത്രക്കാർക്കും യാത്രാ ഇൻഷുറൻസ്; റെയിൽവേ നടപടി

സുപ്രീം കോടതി ഉത്തരവിനെ തുടർന്ന്, റെയിൽവേ സ്റ്റേഷൻ കൗണ്ടറുകളിൽ നിന്ന് നേരിട്ട് ടിക്കറ്റ് എടുക്കുന്ന യാത്രക്കാർക്കും യാത്രാ ഇൻഷുറൻസ് പരിരക്ഷ ലഭ്യമാക്കുന്നു. ഇത് വരെ ഐ.ആർ.സി.ടി.സി വഴി ഓൺലൈനായി ടിക്കറ്റ് ബുക്ക് ചെയ്യുന്നവർക്ക് മാത്രമായിരുന്നു ഈ പരിരക്ഷ. അപകടമരണത്തിന് 10 ലക്ഷം രൂപ വരെയും സ്ഥിരമായ പൂർണ്ണ വൈകല്യത്തിന് 7.5 ലക്ഷം രൂപ വരെയും ഇൻഷുറൻസ് പ്രീമിയം 45 പൈസ മാത്രമാണ് ഈടാക്കുന്നത്. തിരുവനന്തപുരം ഡിവിഷൻ കീഴിൽ ചൊവ്വാഴ്ച മുതൽ ഈ സംവിധാനം നിലവിൽ വരും.