രേണു സുധി, കൊല്ലം സുധിയെക്കുറിച്ചുള്ള വിവാഹ നിയമസാധ്യതയും നഷ്ടപരിഹാര വിവരങ്ങളും വ്യക്തമാക്കുന്നു

മോട്ടോർ ആക്സിഡന്റ് ക്ലെയിംസ് ട്രൈബ്യൂണലിൽ (എം.എ.സി.ടി) കൊല്ലം സുധിയുടെ കുടുംബത്തിന് നഷ്ടപരിഹാരം വിധിച്ചതിനെ തുടർന്ന് ഉയർന്ന വ്യാജ പ്രചാരണങ്ങൾക്ക് മറുപടിയുമായി രേണു സുധി രംഗത്തെത്തി. ചങ്ങനാശ്ശേരി താലൂക്കിലെ തെങ്ങണ സബ് രജിസ്ട്രാർ ഓഫീസിൽ 2017 മേയ് ഏഴിനാണ് താനും സുധിയും തമ്മിലുള്ള വിവാഹം നിയമപ്രകാരം രജിസ്റ്റർ ചെയ്തതെന്ന് രേണു വ്യക്തമാക്കി. കോട്ടയം എം.എ.സി.ടി ട്രൈബ്യൂണൽ 1,41,09,840 രൂപയാണ് നഷ്ടപരിഹാരമായി വിധിച്ചത്. കേസ് ഫയൽ ചെയ്ത ദിവസം മുതൽ തുക കെട്ടിവയ്‌ക്കുന്ന നാൾ വരെയുള്ള 8.5 ശതമാനം പലിശ ഉൾപ്പെടെ ആകെ തുക 1.77 കോടി രൂപയോളമായി ഉയരും. ഈ നഷ്ടപരിഹാരത്തുക സുധിയുടെ അമ്മയ്ക്കും രേണുവിനും രണ്ട് മക്കൾക്കുമായാണ് ലഭിക്കുക.