രണ്ട് വർഷത്തെ ദുരിതത്തിന് ശാപമോക്ഷം; മണ്ണയ്ക്കനാട്–കുറിച്ചിത്താനം റോഡ് പുനരുദ്ധാരണത്തിന് തുടക്കം

രണ്ട് വർഷത്തെ ദുരിതത്തിന് ശാപമോക്ഷം; മണ്ണയ്ക്കനാട്–കുറിച്ചിത്താനം റോഡ് പുനരുദ്ധാരണത്തിന് തുടക്കം

കോട്ടയം ജില്ലാ പഞ്ചായത്ത് മെമ്പർ ജോസ് മോൻ മുണ്ടയ്ക്കലിന്റെ നേതൃത്വത്തിലാണ് പുനരുദ്ധാരണ പ്രവർത്തനങ്ങൾക്കായുള്ള നടപടികൾ ആരംഭിച്ചത്. ഇതിന്റെ ഭാഗമായി സംരക്ഷണഭിത്തി നിർമ്മിക്കേണ്ട മേഖലയിൽ മണ്ണ് പരിശോധനയുടെ ഉദ്ഘാടനം ജില്ലാ പഞ്ചായത്ത് മെമ്പർ ജോസ്മോൻ മുണ്ടയ്ക്കൽ നിർവ്വഹിച്ചു. ജില്ലാ പഞ്ചായത്തിൽ നിന്നും അനുവദിച്ച 30 ലക്ഷം രൂപയിൽനിന്നും 5 ലക്ഷം രൂപ ഉപയോഗിച്ചാണ് ഇപ്പോൾ മണ്ണ് പരിശോധനയും ഡിസൈനും തയ്യാറാക്കുന്നത്. മരങ്ങാട്ടുപിള്ളി ഗ്രാമപഞ്ചായത്തിന്റെയും നാട്ടുകാരുടെയും നിരന്തരമായ ആവശ്യത്തെ തുടർന്നാണ് റോഡിന്റെ പുനരുദ്ധാരണത്തിനുള്ള നടപടികൾ വീണ്ടും സജീവമാക്കിയത്. മണ്ണ് പരിശോധനയുടെ റിപ്പോർട്ട് ലഭിച്ച ശേഷം തുടർനടപടികൾ വേഗത്തിലാക്കുമെന്ന് ജില്ലാ പഞ്ചായത്ത് മെമ്പർ ജോസ് മോൻ മുണ്ടയ്ക്കൽ പറഞ്ഞു.