റബ്ബർ ബോർഡ് കോട്ടയത്ത് ടാപ്പർമാരുമായി നേരിട്ടുള്ള സംവാദം നടത്തും

സംസ്ഥാനത്തെ റബ്ബർ ടാപ്പർമാരുമായി നേരിട്ടുള്ള ആശയവിനിമയത്തിനായി റബ്ബർ ബോർഡ് കോട്ടയത്ത് ഒരു പരിപാടി സംഘടിപ്പിക്കുന്നു. റബ്ബർ മേഖലയിലെ പ്രധാന തൊഴിലാളി വിഭാഗമായ ടാപ്പർമാരുമായി നേരിട്ട് ആശയവിനിമയം നടത്തുക, അവരുടെ നിർദ്ദേശങ്ങൾ റബ്ബർ മേഖലയുമായി ബന്ധപ്പെട്ട പദ്ധതികളിലും പ്രവർത്തനങ്ങളിലും ഉൾപ്പെടുത്തുക എന്നിവയാണ് ലക്ഷ്യം. നാളെ രാവിലെ 11 മണിക്ക് കോട്ടയം റബ്ബർ ബോർഡ് ആസ്ഥാനത്തെ ഏഴാം നിലയിലുള്ള കോൺഫറൻസ് ഹാളിലാണ് മുഖാമുഖം നടക്കുന്നത്. കേരളത്തിലെ എല്ലാ ജില്ലകളിലെ റബ്ബർ ടാപ്പർമാരുടെയും ടാപ്പിംഗ് തൊഴിലാളി പ്രതിനിധികളുടെയും പങ്കാളിത്തം ഉറപ്പാക്കും.