വി മുരളീധരൻ പരാതി നൽകി എന്ന് തെളിയിച്ചാൽ പൊതുപ്രവർത്തനം നിർത്തുമെന്ന് ഷോൺ ജോർജ്

സിഎംആർഎൽ ഡയറി പുറത്തുവിട്ട നടപടിക്കെതിരെ മുതിർന്ന ബിജെപി നേതാവ് വി മുരളീധരൻ പാർട്ടി നേതൃത്വത്തിന് പരാതി നൽകിയെന്ന വാർത്ത ബിജെപി നേതാവ് ഷോൺ ജോർജ് നിഷേധിച്ചു. പരാതി കൊടുത്തതായി തെളിയിച്ചാൽ താൻ പൊതുപ്രവർത്തനം നിർത്തുമെന്ന് ഷോൺ ജോർജ് പറഞ്ഞു. താൻ ഉന്നയിച്ച ആരോപണത്തെ സ്വാഗതം ചെയ്താണ് വി മുരളീധരൻ വാർത്താസമ്മേളനം നടത്തിയത് എന്നും അദ്ദേഹം കൂട്ടിച്ചേർത്തു.