ശബരിമല സീസണിന് ചെന്നൈ-കൊല്ലം റൂട്ടിൽ പ്രത്യേക ട്രെയിനുകൾ പ്രഖ്യാപിച്ചു

വരാനിരിക്കുന്ന ശബരിമല മണ്ഡലകാല മഹോത്സവ കണക്കിലെടുത്ത് സതേൺ റെയിൽവേ ചെന്നൈ-കൊല്ലം റൂട്ടിൽ പ്രത്യേക ട്രെയിനുകൾ പ്രഖ്യാപിച്ചു. കേരളത്തിൽ 10 സ്റ്റോപ്പുകളുള്ള ഈ സ്പെഷ്യൽ ട്രെയിൻ ഇരുദിശകളിലേക്കുമായി 20 സർവീസുകളാണ് നടത്തുക. ശബരി സ്പെഷ്യൽ ട്രെയിനിൻ്റെ ടിക്കറ്റ് ബുക്കിങ് നവംബർ 07 ശനിയാഴ്ച രാവിലെ എട്ട് മണി മുതൽ ആരംഭിക്കും. സ്പെഷ്യൽ ട്രെയിനിൻ്റെ കോച്ച് പൊസിഷൻ ഒരു എസി ഫസ്റ്റ് ക്ലാസ് ടു ടയർ കോച്ച്, രണ്ട് എസി ടു ടയർ കോച്ച്, നാല് എസി ത്രീ ടയർ കോച്ച്, 13 സ്ലീപ്പർ ക്ലാസ് കോച്ച്, രണ്ട് ലഗേജ് കം ബ്രേക്ക് വാൻ എന്നിങ്ങനെയാണ്.