സംസ്ഥാന വയോജന കമ്മീഷൻ 17 പരാതികൾ പരിഗണിച്ചു, അവഗണന വിഷയങ്ങൾ കേന്ദ്രീകരിച്ചു

കളക്‌ട്രേറ്റ് കോൺഫറൻസ് ഹാളിൽ നടന്ന സംസ്ഥാന വയോജന കമ്മീഷൻ സിറ്റിംഗിൽ 17 പരാതികൾ പരിഗണിച്ചു. വയോജന കമ്മിഷൻ ചെയർമാൻ അഡ്വ. കെ. സോമപ്രസാദിന്റെയും കമ്മിഷൻ അംഗം പ്രൊഫ. ലോപ്പസ് മാത്യൂവിന്റെയും നേതൃത്വത്തിൽ നടന്ന സിറ്റിംഗിൽ കോട്ടയം, ഇടുക്കി ജില്ലകളിൽ നിന്നുള്ള മുതിർന്ന പൗരന്മാരുടെ പരാതികളാണ് പരിഗണിച്ചത്. കുടുംബ പ്രശ്നങ്ങളുമായി ബന്ധപ്പെട്ട പരാതികളാണ് കമ്മിഷനു മുന്നിൽ വന്നവയിൽ ഏറെയെന്ന് അഡ്വ. കെ. സോമപ്രസാദ് പറഞ്ഞു.