പൂവക്കുളത്ത് പുലിയെന്നു സംശയിക്കുന്ന ജീവി കണ്ടതായി സംശയം; വനംവകുപ്പ് അന്വേഷണം

വെളിയന്നൂർ പഞ്ചായത്തിലെ പൂവക്കുളത്ത് പുലിയെന്നു സംശയിക്കുന്ന ജീവി കണ്ടതായി സംശയം. കഴിഞ്ഞ രാത്രി സ്കൂൾ കവലയ്ക്ക് സമീപം ലോറി ഡ്രൈവറാണ് പുലിയുടെ സാദൃശ്യമുള്ള ഒരു ജീവിയെ കണ്ടത്. നാട്ടുകാരും പോലീസും സ്ഥലത്തെത്തി പരിശോധന നടത്തിയെങ്കിലും യാതൊന്നും കണ്ടെത്താനായിട്ടില്ല. വനംവകുപ്പ് ഉദ്യോഗസ്ഥർ സ്ഥലത്തെത്തി പരിശോധന നടത്തുമെന്നും അതിനുശേഷം മാത്രമേ ഔദ്യോഗിക സ്ഥിരീകരണം ലഭിക്കൂവെന്നും അധികൃതർ അറിയിച്ചു.