പൂജാമുറിയിലെ പണവും സ്വർണ്ണവും പങ്കുവെച്ചതിന് പിന്നാലെ യൂട്യൂബറുടെ വീട്ടിൽ മോഷണം

നാഗർകോവിലിനടുത്തുള്ള തമ്മട്ടുകോണത്ത് വിഐപി ഗാർഡനിൽ താമസിക്കുന്ന പ്രശസ്ത യൂട്യൂബർ ദമ്പതിമാരായ വിനോദ് കുമാറിൻ്റെയും മധുമിതയുടെയും വീട്ടിലാണ് മോഷണം നടന്നത്. തങ്ങൾ വാങ്ങിയ പുതിയ സ്വർണ്ണാഭരണങ്ങളും വീട്ടിലുള്ള സമ്പാദ്യവും കാണിച്ചുകൊണ്ട് ദമ്പതികൾ അടുത്തിടെ പങ്കുവെച്ച ഷോർട്സ് വീഡിയോ സോഷ്യൽ മീഡിയയിൽ വൻതോതിൽ വൈറലായിരുന്നു. ഈ വീഡിയോ പങ്കുവെച്ചതിന് പിന്നാലെ മോഷണവും നടന്നു. വീട് കുത്തിത്തുറന്ന് മോഷ്ടാവ് 118 പവൻ സ്വർണ്ണവും പണവും കവർന്നാണ് മുങ്ങിയത്.