കോട്ടയത്ത് മൂന്നംഗ കുടുംബത്തെ കാണാതായതായി പരാതി; സാമ്പത്തിക ഇടപാടുകൾ അന്വേഷിക്കുന്നു പോലീസ്

കോട്ടയം പനച്ചിക്കാട് പഞ്ചായത്തിലെ പൂവന്തുരുത്തിയിൽ നിന്ന് മൂന്നംഗ കുടുംബത്തെ കാണാതായതായി പരാതി. 62 വയസ്സുള്ള റെജി, ഭാര്യ സൂസമ്മ, 30 വയസ്സുള്ള മകൻ ജോമെറ്റ് എന്നിവരെയാണ് സെപ്റ്റംബർ 26 ശനി മുതൽ കാണാതായത്. പെയ്ന്റിങ് കോൺട്രാക്ടറായ റെജിയുമായി ബന്ധപ്പെട്ട് സാമ്പത്തിക ഇടപാടുകളുണ്ടായിരുന്നതായാണ് വിവരം. തൊഴിലാളികളുടെ പരാതിയിൽ പോലീസ് കേസെടുക്കുകയും തുടർന്നുള്ള അന്വേഷണത്തിലാണ് കുടുംബത്തെ കാണാതായതായി വിവരം ലഭിച്ചത്. തീക്കോയി ഭാഗത്താണ് ഇവരുടെ കാർ പോകുന്ന സിസിടിവി ദൃശ്യം ഒടുവിൽ ലഭിച്ചത്. നിലവിൽ സിസിടിവി കേന്ദ്രീകരിച്ചുള്ള അന്വേഷണമാണ് നടത്തി വരുന്നത്.