ആലപ്പുഴ വഴിയുള്ള മൂന്ന് ട്രെയിനുകൾ കോട്ടയം വഴി വഴിതിരിച്ചുവിട്ടു; സ്റ്റോപ്പുകളിൽ മാറ്റം

എറണാകുളം യാർഡിൽ അടിയന്തര ട്രാക്ക് അറ്റകുറ്റപ്പണി നടക്കുന്നതിനാൽ ആലപ്പുഴ വഴിയുള്ള മൂന്ന് ട്രെയിനുകൾ കോട്ടയം വഴി വഴിതിരിച്ചുവിട്ടു. 25-ന് ഗുരുവായൂരിൽനിന്നു പുറപ്പെടുന്ന ഗുരുവായൂർ - ചെന്നൈ എഗ്‌മോർ എക്സ്പ്രസ് (16128), 25-ന് മംഗളൂരുവിൽനിന്നു പുറപ്പെടുന്ന മംഗളൂരു - തിരുവനന്തപുരം മാവേലി എക്സ്പ്രസ് (16603), 25-ന് എംജിആർ ചെന്നൈ സെൻട്രലിൽനിന്നു പുറപ്പെടുന്ന എംജിആർ ചെന്നൈ സെൻട്രൽ - തിരുവനന്തപുരം സെൻട്രൽ എസി സൂപ്പർഫാസ്റ്റ് എക്സ്പ്രസ് (22207) എന്നിവയാണ് നാളെ കോട്ടയം വഴിയാക്കിയത്.