കോന്നി ശ്രീ കല്ലേലി ഊരാളി അപ്പൂപ്പൻ കാവിൽ തുലാമാസ ആയില്യം പൂജ സമർപ്പിച്ചു

പ്രകൃതി സത്യങ്ങളെയും പൂർവിക വിശ്വാസങ്ങളെയും സാക്ഷിനിർത്തി കോന്നി കല്ലേലി കാവിൽ തുലാമാസ ആയില്യം പൂജ ഭക്തിപൂർവ്വം സമർപ്പിച്ചു. 999 മലകളുടെ അധിപനായ ശ്രീ കല്ലേലി ഊരാളി അപ്പൂപ്പന്റെയും നാഗരാജാവിന്റെയും നാഗയക്ഷിയമ്മയുടെയും അഷ്ടനാഗ ദൈവങ്ങളുടെയും അനുഗ്രഹസാന്നിധ്യത്തിൽ നാഗാരാധനയുടെ പുണ്യവേളയായ ആയില്യം പൂജ ആചാരാനുഷ്ഠാനങ്ങളോടെ നടന്നു. നാഗദേവതകൾക്ക് മഞ്ഞൾ നീരാട്ടും പാലഭിഷേകവും കരിക്കഭിഷേകവും ഉൾപ്പെടെയുള്ള വഴിപാടുകൾ സമർപ്പിച്ച് ഭക്തജനങ്ങൾ പ്രാർത്ഥനയിൽ പങ്കുചേർന്നു.