ട്രാക്ക് അറ്റകുറ്റപ്പണി കാരണം തൃശൂർ–എറണാകുളം റൂട്ടിലെ ട്രെയിൻ സർവീസുകളിൽ നിയന്ത്രണം

ഒല്ലൂർ–പുതുക്കാട്, ഇരിഞ്ഞാലക്കുട–ചാലക്കുടി സെക്ഷനുകളിലും പൂങ്കുന്നം, വടക്കാഞ്ചേരി, എറണാകുളം ജങ്ഷൻ യാർഡുകളിലും ട്രാക്ക് അറ്റകുറ്റപ്പണികൾ നടക്കുന്നതിനാൽ തൃശൂർ–എറണാകുളം റൂട്ടിലെ ട്രെയിൻ സർവീസുകളിൽ നിയന്ത്രണം ഏർപ്പെടുത്തി. ചില ട്രെയിനുകൾ പൂർണമായും റദ്ദാക്കിയപ്പോൾ മറ്റുചിലത് ഭാഗികമായി റദ്ദാക്കുകയും ചില സർവീസുകൾ വഴിതിരിച്ചുവിടുകയും ചെയ്തിട്ടുണ്ട്. നവംബർ 13, 15 തീയതികളിൽ തിരുവനന്തപുരം–മംഗളൂരു മാവേലി എക്സ്പ്രസ് (16604) കോട്ടയം വഴിയായിരിക്കും സർവീസ് നടത്തുക. നവംബർ 13, 20, 27 തീയതികളിലും ഗുരുവായൂർ–ചെന്നൈ എഗ്‌മോർ എക്സ്പ്രസ് (16128) കോട്ടയം വഴിയായിരിക്കും സർവീസ് നടത്തുക.