സംസ്ഥാന സ്‌കൂൾ കായിക മേളയുടെ ട്രോഫി കോട്ടയം ജില്ലയിൽ എത്തി

കോഴിക്കോട് നടക്കുന്ന സംസ്ഥാന സ്‌കൂൾ കായിക മേളയിലെ ജേതാക്കൾക്ക് സമ്മാനിക്കാനുള്ള സ്വർണ്ണക്കപ്പ് കോട്ടയം ജില്ലയിൽ ആവേശകരമായ സ്വീകരണം നേടി. തിരുവനന്തപുരത്തുനിന്ന് കഴിഞ്ഞദിവസം തുടക്കം കുറിച്ച ഘോഷയാത്ര വെള്ളിയാഴ്ച രാവിലെയാണ് ജില്ലയിൽ പ്രവേശിച്ചത്. കോട്ടയം എം.ഡി സെമിനാരി സ്‌കൂളിൽ നടന്ന ചടങ്ങിൽ ജില്ലാ പഞ്ചായത്ത് പ്രസിഡൻറ് ജോഷി ഫിലിപ്പും ജില്ലാ കളക്ടർ ചേതൻകുമാർ മീണയും ചേർന്ന് സ്വർണക്കപ്പിനെ സ്വീകരിച്ചു. തുടർന്ന് പാലാ സെന്റ് മേരീസ് ജി.എച്ച്.എസ്.എസിലും സ്വർണ്ണക്കപ്പിന് സ്വീകരണം നൽകി.