51 ദിവസത്തിനിടെ രണ്ട് മണ്ണിടിച്ചിൽ ദുരന്തങ്ങൾ, നാല് മരണം; കോട്ടയത്ത് 33 പ്രദേശങ്ങൾ മണ്ണിടിച്ചിൽ സാധ്യത മേഖല

51 ദിവസത്തിനിടെ കോട്ടയത്ത് രണ്ട് മണ്ണിടിച്ചിൽ ദുരന്തങ്ങളും നാല് മരണങ്ങളും റിപ്പോർട്ട് ചെയ്തു. ചെന്നൈ ജവഹർ നഗർ സ്വദേശിനി സംഗീത അരുൾ ലാല് (35), പൂഞ്ഞാര് തെക്കേക്കര പെരിങ്ങുളത്തെ ചേലകാട്ട് ജോസഫ് (അപ്പച്ചന്, 80) എന്നിവരാണ് മരിച്ചത്. തീക്കോയിക്ക് സമീപം വേലത്തുശേരി റോഡിലേക്ക് മണ്ണിടിഞ്ഞുവീണതിനെത്തുടർന്ന് സംഗീതയ്ക്ക് ജീവൻ നഷ്ടമായി. പൂഞ്ഞാര് തെക്കേക്കര പഞ്ചായത്തിലെ പെരിങ്ങുളത്ത് വീടിന് മുകളിലേക്കു മണ്ണിടിഞ്ഞുവീണു ചേലകാട്ട് വീട്ടിലെ ജോസഫ് മരിച്ചു. ജില്ലയിൽ 33 പ്രദേശങ്ങളാണ് മണ്ണിടിച്ചിലിന് സാധ്യതയുള്ളതായി കണ്ടെത്തിയിട്ടുള്ളത്. കൂട്ടിക്കൽ, തലനാട്, തീക്കോയി എന്നീ വില്ലേജുകളിലാണ് ഏറ്റവും കൂടുതൽ സാധ്യതയുള്ളത്.