ആസ്തി വികസന ഫണ്ട് ഉപയോഗിച്ച് കെഎസ്ആർടിസി ബസ് വാങ്ങാൻ യു.ഡി.എഫ് എം.എൽ.എമാർ തുക നൽകി തുടങ്ങി

ആസ്തി വികസന ഫണ്ട് ഉപയോഗിച്ച് കെഎസ്ആർടിസി ബസ് വാങ്ങാൻ യു.ഡി.എഫ് എം.എൽ.എമാർ തുക നൽകി തുടങ്ങി. കോയിലാണ്ടി എംഎൽ.എ കെ. പ്രവീൺ കുമാർ 40 ലക്ഷം രൂപയും, കാഞ്ഞിരപ്പള്ളി എം.എൽ.എ റോണി കെ. ബേബി 45 ലക്ഷം രൂപയും അനുവദിക്കണമെന്ന് ആവശ്യപ്പെട്ട് കളക്ടർക്ക് കത്തയച്ചു. പൊതുഗതാഗത സൗകര്യങ്ങൾ മെച്ചപ്പെടുത്തുന്നതിനും കെഎസ്ആർടിസി ബസ് നവീകരിക്കുന്നതിനുമായി എം.എൽ.എമാരുടെ ആസ്തി വികസന ഫണ്ട് ഉപയോഗിച്ച് ബസ് വാങ്ങാൻ പ്രത്യേക അനുമതി നൽകിയിരുന്നു. വിഹിതം അനുവദിച്ചുള്ള നിർദേശം ഒക്ടോബർ 15 നകം നൽകണമെന്നും ഉത്തരവിൽ വ്യക്തമാക്കിയിരുന്നു.